Myndasafn

Frétt sem birtist á vef félagsins 15. apríl 2021 Stjórn félagsins ákvað nýlega að ráðast í endurbætur á sjúkraíbúð félagsins á 3. hæð í Sóltúni í Reykjavík, á svipaðan hátt og gert var fyrir nokkru í sjúkraíbúð félagsins á 2. hæð hússins. Framkvæmdum lauk nú í vikunni og er íbúðin öll hin glæsilegasta.

Á fundi í aðalstjórn félagsins í september 2020 sem fram fór á Illugastöðum í Fnjóskadal var farið í skoðunarferð um svæðið og kíkt m.a. á hvernig til tókst með framkvæmdir á sex húsum í efra hverfinu sem búið var að taka í gegn að undanförnu. Stjórnin var mjög ánægð með hvernig til tókst. Ákvaðið var að ráðast í breytingar á eldhúsum og baðherherbergjum í húsum í neðra hverfinu á sama hátt og búið er að gera í efra hverfinu.

25. júní 2020 veitti félagið viðtöku tveimur orlofshúsum á Einarsstöðum eftir að þau voru nánast algjörlega endurnýjuð og stækkuð lítillega sl. vetur. Þetta voru hús nr. 21 og 22 sem félagið keypti af AFLi starfsgreinafélagi síðastliðið haust. Næsta haust verður svo skipt um þak á þeim. Eining-Iðja á núna fjögur hús á svæðinu og fá hús nr. 26 og 31 sömu yfirhalningu næsta vetur.

Á árinu 2019 keypti félagið þrjú orlofshús á Einarsstöðum og var ákveðið að taka tvö þeirra í gegn veturinn 2019-2020 og eitt veturinn 2020-2021 ásamt húsi sem félagið átti á svæðinu.

Gríðarlegur snjór í orlofsbyggðinni, myndir teknar um miðjan mars 2020.

Í dag er Ösku­dag­ur. Fjölmargar ungar furðuverur kíktu á skrifstofur félagsins, sungu af innlifun og fengu smá nammi að launum.

Eins dags ferð fyrir aldraða Einingar-Iðjufélaga var farin 22. júní 2015. Lagt var af stað frá Alþýðuhúsinu á Akureyri kl. 9:00 og farið austur í Kelduhverfi, smá stopp og skoðunarferð var tekin á Húsavík áður en hádegisverður var borðaður í Skúlagarði. Þaðan var farið að Hafragilsfossi og svo í Mývatnssveit þar sem drukkið var kaffi í Hótel Reynihlíð. Að því loknu var ekið til Akureyrar á ný með smá viðkomu í Dyngjunni, sem er handverksmarkaður í Mývatnssveit, og á Fosshóli.

Fjögurra daga síðsumarferð var farin til Hólmavíkur um Strandir, Snæfjallaströnd og um Reykjanesið dagana 10. til 13. ágúst 2015

Í mars 2016 var haldið námskeið fyrir félagsmenn þar sem kennt var hvernig eigi að skreyta snittur og brauðtertur. Mikill áhugi var fyrir námskeiðinu og komust færri að en vildu. Námskeiðið fór fram á Amts kaffi Ilm á bókasafninu á Akureyri og var leiðbeinandi Þórhildur Þórhallsdóttir matreiðslumeistari.

Félagið átti 37 fulltrúa á ársfundi Stapa 2016 sem fram fór í Hofi á Akureyri miðvikudaginn 4. maí.

Tæplega 90 fulltrúar, frá öllum stéttarfélögum á Norðurlandi, mættu á 34. þing Alþýðusambands Norðurlands sem fram fór á Illugastöðum í Fnjóskadal um helgina, þar af tæplega 40 frá Einingu-Iðju.