Styrkir

Forsendan fyrir endurgreiðslu er að greitt hafi verið af félagsfólki til sjúkrasjóðs í þrjá mánuði. Í þeim tilfellum sem félagsfólk hefur ekki greitt fullt viðmiðunargjald/félagsgjald til Einingar-Iðju eiga umsækjendur rétt á hlutfalslegum rétti.

Skila þarf umsókn og gögnum í gegnum Mínar síður félagsins, skoðið vel ykkar Persónublað og lagið ef þarf bankaupplýsingar, símanúmer og netföng.

Eftirfarandi styrkir eru í boði. Upphæðir miðast við 100% réttindi félagsmanns. 

  • Frjósemismeðferð
    • Kr. 60.000 í eitt skipti.
  • Gleraugnagler (ekki umgjörðin)
    • 35% samkvæmt reikningi þó að hámarki kr. 60.000 á þriggja ára fresti. 
  • Heyrnartæki
    • 35% samkvæmt reikningi þó að hámarki kr. 70.000 á þriggja ára fresti. 
  • Krabbameinsleit
    • Hver reikningur greiddur að kr. 10.000. Hámark kr. 20.000 á hverju 12 mánaða tímabili, fyrir:
      • Brjóstaskimun
      • Leghálsskimun
      • Ristilskimun
      • Blöðruhálskirtilsskimun
  • Lasik augnaðgerðir
    • Kr. 60.000 í eitt skipti. 
  • Líkamsrækt
    • 50% samkvæmt reikningi, þó að hámarki kr. 26.000 á hverju 12 mánaða tímabili.
  • Sjúkraþjálfun og sjúkranudd
    • 50% samkvæmt reikningi frá viðkomandi stofnun. Hámark kr. 68.000 á hverju 12 mánaða tímabili.
  • Viðtöl við sálfræðinga og geðlækna
    • 50% samkvæmt reikningi, að hámarki kr. 100.000 á hverju 12 mánaða tímabili.
  • Heilsustofnunin í Hveragerði
    • Hægt er að fá styrk að hámarki kr. 100.000 á þriggja ára fresti.
  • Aðrir styrkir
    • Þegar alvarleg veikindi, slys eða dauðsfall ber að höndum eða aðrar óviðráðanlegar orsakir, sem sjóðsstjórn metur til fjárhagslegs eða atvinnulegs tjóns fyrir heimili félagsmanns, skal sjóðsstjórn heimilt að veita viðkomandi heimili sérstakan styrk eftir nánari reglum hverju sinni. Í þessu sambandi skal tekið tillit til þess, hvort heimilið hefur: Atvinnutekjur, bótatekjur frá almannatryggingum, bótarétt hjá tryggingafélagi eða nýtur sjúkrabóta. Þá ber sjóðsstjórn að taka tillit til fjölskyldustærðar og annarra aðstæðna heimilis hverju sinni.
    • Heimilt er einnig að verja fé samkvæmt þessari grein til utanfélagsmanna í einstökum tilfellum, svo sem er alvarleg slys eða óhöpp verða sökum náttúruhamfara.

Fundur er haldinn í stjórn sjúkrasjóðs einu sinni í mánuði. Umsóknir og gögn sem leggja á fyrir fund þurfa að hafa borist í síðasta lagi 24. hvers mánaðar (breytilegt í desember og febrúar) til að fá borgað út um næstu mánaðamót.

Skila þarf umsókn og gögnum í gegnum Mínar síður félagsins, skoðið ykkar Persónublað og lagið ef þarf bankaupplýsingar, símanúmer og netföng.

Athugið, varðandi lífeyrisþega! Allir styrkir gilda í fimm ár eftir frá því félagsmaður greiðir félagsgjald til félagsins, þá falla niður réttindi til endurgreiðslu úr sjúkrasjóði. Breyting frá og með 1. janúar 2023, var áður tvö ár.