Stefnt er á að vefverslun félagsins sem verður á Mínum síðum verði komin í loftið fyrir lok nóvember 2024. Þar verður m.a. hægt að versla Útilegukortið og Veiðikortið og jafnvel eitthvað fleira sem mun verða ljóst er hún fer í loftið.
Upplýsingar hér fyrir neðan á eftir að uppfæra fyrir árið 2025.
Útilegukortið sumarið 2024
Útilegukortið gildir á viðkomandi tjaldsvæðum á meðan tjaldsvæðin eru opin fyrir almenning út árið 2024, en þó ekki lengur en til 15. september. Kortið veitir tveim fullorðnum og fjórum börnum undir 16 ára aldri fría gistingu á tjaldsvæðum samstarfsaðila Útilegukortsins í allt að 28 gistinætur á hverju starfsári þess. Engin takmörk eru fyrir því hve oft má koma á hvert tjaldsvæði innan gistináttanna 28 en einungis má gista í fjórar nætur samfellt í hvert skipti. Útilegukortið gildir fyrir tjöld, tjaldvagna, fellihýsi, hjólhýsi og húsbíla.
Ath! gistináttaskattur er ekki innifalinn í Útilegukortinu.
Kortin eru EKKI til sölu á skrifstofum félagsins. Útilegukortið er rafrænt og þegar það er pantað er hægt að fá það sent í tölvupósti og/eða SMS eftir að greiðsla fer fram. Þá þarf viðkomandi að skanna QR kóða til að fá kortið beint í rafrænt veski í símann sinn. Nauðsynlegt er að setja upp rafrænt veski í símann áður en ýtt er á hlekk sem kemur frá söluaðila (Útilegukortinu).
Allar upplýsingar um kortið má fá á vefsíðunni www.utilegukortid.is
Veiðikortið sumarið 2024
Veiðikortið er mjög hagkvæmur valkostur sem hentar jafnt veiðimönnum sem fjölskyldufólki. Með Veiðikortið í vasanum er hægt að veiða nær ótakmarkað í 36 veiðivötnum víðsvegar um landið sem og tjalda endurgjaldslaust við mörg þeirra.
Kortið verður eingöngu til sölu á orlofsvef félagsins! Athugið að gott er að panta með góðum fyrirvara. Það getur tekið allt að viku, jafnvel rúmlega það, að fá kort með póstinum.
Allar frekari upplýsingar og lista um veiðisvæði má nálgast á www.veidikortid.is