Bæklingurinn Veistu hvað…? á úkraínsku

Fyrir nokkrum árum gaf félagið út bæklinginn „Veistu hvað við getum gert fyrir þig?“ á sjö tungumálum, íslensku, dönsku, ensku, pólsku, rússnesku, spænsku og þýsku. Nokkru síðar var ákveðið að þýða bæklinginn yfir á arabísku, tælensku og rúmönsku. Núna er búið að þýða bæklinginn yfir á úkraínsku og má finna hann hér. Alla bæklingana ellefu má finna hér á heimasíðu félagsins. Einnig er hægt að nálgast bæklingana á skrifstofum félagsins. Sá nýjasti verður mættur á svæðið eftir nokkra daga þar sem hann verður sendur í prentun í dag.

Í þessum bækling er m.a. fjallað á stuttan hátt um sjúkrasjóðinn, orlofssjóðinn og fræðslusjóðinn. Svarað er spurningunni „Af hverju stéttarfélög“ Fjallað er um trúnaðarmenn og til hvers þeir eru. Útskýrt hvað kjarasamningur er og sagt frá hverjir helstu kjarasamningar félagsins eru. Þá er sagt frá hvað félagsgjaldið færir viðkomandi og útskýrt er félagafrelsi, en launamönnum er frjálst að standa utan stéttarfélaga, þ.e. að gerast ekki fullgildir félagsmenn. Þá eru þeir aukafélagar þar sem vinnuveitendum ber að greiða af öllum starfsmönnum sem vinna eftir kjarasamningum félagsins. Aukafélagar borga en hafa engin réttindi! Borgar það sig?