Til hamingju með daginn!
01.maí | 2024
Til hamingju með daginn! Það verður dagskrá í tilefni 1. maí á Akureyri og í Fjallabyggð. Sýnum samstöðu í verki og tökum þátt í hátíðarhöldunum.
1. maí er alþjóðlegur baráttudagur verkafólks. Árleg áminning um mátt samstöðu og nauðsyn áframhaldandi baráttu fyrir réttlæti og mannsæmandi lífskjörum fyrir alla. Eining-Iðja sendir félagsmönnum sem og landsmönnum öllum hátíðar- og baráttukveðjur í tilefni dagsins.
Í ár fylkjum við liði undir kjörorðunum Sterk hreyfing - Sterkt samfélag og hvetjum við félagsfólk til þess að sýna samstöðu með því að fjölmenna í kröfugöngu og taka þátt í hátíðardagskrá.
Dagskrá á Akureyri
Kröfuganga
13:45 – Göngufólk safnast saman við Alþýðuhúsið
14:00 – Lagt af stað við undirleik Lúðrasveitar Akureyrar
Hátíðardagskrá í Hofi að lokinni kröfugöngu
- Ávarp 1. maí nefndar stéttarfélaganna
- Hátíðarræða, Finnbjörn A. Hermannsson – forseti ASÍ
- Leikfélag Menntaskólans á Akureyri sýnir atriði úr söngleiknum um Gosa
- Ívar Helgason tekur lagið
Kaffihressing að dagskrá lokinni
Pylsur, safi og andlitsmálning fyrir börnin
Dagskrá í Fjallabyggð
Boðið verður upp á létta dagskrá í sal félaganna að Eyrargötu 24b Siglufirði milli kl. 14:30 og 17:00
Ávarp frá 1. maí nefnd stéttarfélaganna og kaffiveitingar