Tékklisti sumarstarfsmanns

Þegar skólarnir klárast á vorin fara flest ungmenni í sumarvinnu en sumarvinnan gefur þeim dýrmæta starfsreynslu á vinnumarkaði. Að mörgu er að huga þegar farið er út á vinnumarkaðinn og hér eru því nokkur mikilvæg atriði sem gott er að hafa í huga.

Tékklisti sumarstarfsmanns

• Veit ég hver kjör mín eru, eftir hvaða samningi er ég að fá greitt?
• Hef ég fengið skriflegan ráðningarsamning? (Eigi síðar en tveimur mánuðum eftir að starf hefst)
• Hver er vinnutíminn minn? Er vaktaskrá?
• Hvenær er matartími og hvað má ég vinna mikið?
• Fæ ég ekki örugglega launaseðil?
• Er ég að nýta skattkortið, er greiddur skattur af laununum mínum?
• Veit yfirmaður minn hvenær ég hyggst fara í frí? Á ég rétt á orlofi?
• Hvenær ætla ég að hætta vegna skóla?
• Hver er uppsagnarfresturinn minn, eða er samningurinn tímabundinn?
• ATHUGIÐ! Prufuvaktir eru líka vinna og þú átt að fá borgað fyrir þær!