Styrkir úr sjúkrasjóði - breytingar

Á síðasta fundi stjórnar sjúkrasjóðs var samþykkt að breyta tveimur styrkjum sem greiddir eru úr sjúkrasjóði félagsins. Um er að ræða styrki vegna sjúkraþjálfunar eða sjúkranudds og vegna viðtala við sálfræðinga eða geðlækna.

Breytingin felur í sér að hætt er að telja bæði skipti og hámark eins og áður var gert. Nú er einungis miðað við hámarkskostnað á hverju almanaksári. 

• Sjúkraþjálfun og sjúkranudd
  • 50% samkvæmt reikningi frá viðkomandi stofnun. Hámark kr. 68.000 á hverju almanaksári til hvers félagsmanns.
• Viðtöl við sálfræðinga og geðlækna
  • 50% samkvæmt reikningi, að hámarki kr. 100.000 á hverju almanaksári.

Breytingin tók gildi þann 1. apríl sl.

Styrkir úr sjúkrasjóði