SÍMEY - þinn eigin jólakrans
18.nóv | 2024
Vert er að benda félagsmönnum á þessi námskeið hjá SÍMEY sem fram fara í vikunni á Akureyri, Dalvík og Siglufirði.
- 19. nóvember milli kl. 17 og 20 - Jólakransanámskeið á Akureyri
- 20. nóvember milli kl. 17 og 20 - Jólakransanámskeið á Dalvík
- 21. nóvember milli kl. 17 og 20 - Jólakransanámskeið á Siglufirði
Verklegt námskeið um kransa og kransagerð þar sem þátttakendur læra að vefja sinn eiginn jólakrans.
Á námskeiðinu verður fræðsla um blómakransa í gegnum tíðina. Kennd verða undirstöðuatriði og tækni við að vefja krans í fallegt handverk. Þátttakendur fá aðstoð og kennslu við að binda sinn eigin krans og verða fær um að gera sína eigin kransa.
Áhersla er á að nota hráefni úr náttúrunni eins og unnt er.
Hráefni í krans er innifalið í námskeiðinu og þátttakendur fara heim með sinn krans í lok námskeiðs.
Leiðbeinandi: Alma Lilja Ævarsdóttir blómahönnuður. Eigandi blómaverkstæðisins Salvíu.
Félagsmenn í nokkrum stéttarfélögunum, m.a. Einingu-Iðju, sækja námskeiðið sem og fjölmörg önnur námskeið sér að kostnaðarlausu.
Námskeiðin eru öllum opin og minnir SÍMEY áhugasama á að kanna rétt sinn hjá sínu stéttarfélagi.