Nýr VIRK ráðgjafi
24.maí | 2024
F.v.: Kristín og Halla Sif.
Fjórir VIRK ráðgjafar hafa verið starfandi í Eyjafirði undanfarin ár. Í gær var síðast dagur Kristínar Guðmundsdóttur sem VIRK ráðgjafa en í hennar stað var ráðin Halla Sif Guðmundsdóttir. Halla tók til starfa í síðustu viku.
VIRK ráðgjafarnir fjórir, Halla, Helga Þyri, Katla og Nicole starfa fyrir öll stéttarfélögin á svæðinu og hafa aðsetur á skrifstofu Einingar-Iðju á 2. hæð í Alþýðuhúsinu á Akureyri. Hægt er að ná í ráðgjafana í síma 535 5700.
Starfsmenn félagsins þakka Kristínu fyrir samstarfið undanfarin ár og bjóða Höllu Sif velkomna á svæðið.
VIRK
Að VIRK standa öll helstu samtök launamanna og atvinnurekanda á vinnumarkaði. Hlutverk VIRK er að efla starfsgetu einstaklinga í kjölfar veikinda eða slysa með árangursríkri starfsendurhæfingarþjónustu. VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar.