Fulltrúaráðsfundur Stapa lífeyrissjóðs
29.mar | 2021
Stjórn Stapa hefur boðað til rafræns fulltrúaráðsfundar á morgun, þriðjudaginn 30. mars, kl. 16:00. Fulltrúaráðið er samkvæmt samþykktum sjóðsins skipað þeim aðilum sem voru fulltrúar launamanna og atvinnurekenda á síðasta ársfundi sjóðsins. Félagið átti rétt á að senda 42 fulltrúa á síðasta ársfund Stapa og hafa þeir verið boðaðir á þennan fund.
Á ársfundi sjóðsins 2019 var samþykkt að stjórn sjóðsins skal kalla saman fulltrúaráðið tvisvar á ári, að hausti og í aðdraganda ársfundar, þar sem m.a. eru rædd málefni sjóðsins, breytingar á samþykktum undirbúnar og lykiltölur úr afkomu og framvindu fjárfestingarstefnu kynntar. Um hlutverk og starfsemi fulltrúaráðs að öðru leyti vísast til viðkomandi kjarasamninga hverju sinni.
Dagskrá fundarins
- Setning fulltrúaráðsfundar - Erla Jónsdóttir, stjórnarformaður
- Lykiltölur úr afkomu – Jóhann Steinar Jóhannson, framkvæmdastjóri
- Fjárfestingarstefna 2021 – Brynjar Þór Hreinsson, forstöðumaður eignastýringar
- Starfskjarastefna – Einar Ingimundarson, lögmaður
- Breytingar á samþykktum – Einar Ingimundarson, lögmaður
- Staðfesting tilnefninga í stjórn – Einar Ingimundarson, lögmaður
- Önnur mál