Fræðslu- og tengsladagar ASÍ-UNG

ASÍ-UNG stendur fyrir fræðslu- og tengsladögum dagana 30. og 31. mars nk. á Hellu, nánar tiltekið á Hótel Stracta. Þessir dagar eru ætlaðir félagsmönnum á aldrinum 16 til 35 ára sem áhuga hafa á starfi stéttarfélaga. Síðast þegar slíkur viðburður var haldinn var góð þátttaka og skapaðist skemmtilegt andrúmsloft. 

ASÍ-UNG hvetur öll félög til að taka þátt og senda fulltrúa og mun Eining-Iðja að sjálfsögðu gera það nú sem áður á slíkan viðburð.

Áhugasamir félagsmenn á aldrinum 16 til 35 ára geta fengið nánari upplýsingar um viðburðinn með því að hafa samband við Önnu varaformann félagsins, annajul@ein.is. 

Dagskrá 

Fimmtudagur, 30. mars

• 12:30 – 13:15       Móttaka, kaffi og hópefli. Gestir koma, hópefli byrjar upp úr 12:55
• 13:15 – 13:30       ASÍ-UNG. Erindi: Formaður ASÍ-UNG.
• 13:30 – 14:30      Erindi um stefnumótun – hvernig mótum við stefnu og sköpum framtíðarsýn.
• 14:30 – 15:00     Kaffipása og spjall
• 15:00 – 16:30     Vinnustofa/umræðuhópar - fyrri umræða –
• 16:30 – 16:45      Samantekt
• 19:00 –               Kvöldverður á Stracta Hótel í boði ASÍ-UNG

Föstudagur, 31. mars

• 9:30 – 9:50        Erindi: Forseti ASÍ
• 9:50 – 11:20        Vinnustofa/umræðuhópar - seinni umræða
• 11:20 – 11:50        Kaffi og niðurstaða kynnt
• 11:50 – 12:00       Formaður ASÍ-UNG slúttar viðburðinum

ASÍ-UNG eru samtök ungs fólks innan verkalýðshreyfingarinnar sem sér til þess að hagsmunamál ungra Íslendinga á vinnumarkaði séu ávallt á dagskrá Alþýðusambandsins.