Almenni markaðurinn - fékkst þú launahækkun frá og með 1. nóvember sl.?

Laun og launatengdir liðir á almenna markaðinum hækkuðu þann 1. nóvember sl. eins og lesa má t.d. um hér. 

Því miður eru vinnuveitendur ekki allir að standa sig varðandi þessa launahækkun starfsfólks. Of margar ábendingar um slíkt hafa komið inn á borð félagsins. Þegar starfsmenn hafa verið að fara yfir launaseðla fyrir félagsmenn er alveg ljóst að sérstaklega er um að ræða of marga veitingastaði, gistiheimili og hótel sem hafa gleymt að hækka laun sinna starfsmanna.  

• Kauptaxtar hækkuðu að lágmarki um kr. 35.000 skv. nýrri launatöflu.
• Mánaðarlaun (laun þeirra sem ekki eru á kauptöxtum) hækkuðu um kr. 33.000.
• Aðrir kjaratengdir liðir hækkuðu um 5,0%, nema um annað hafi verið samið.
• Bónusar og akkorð í fiskvinnslu hækkuðu um 8% sem skilar fiskvinnslufólki á bilinu kr. 6.000 - 34.000 hækkun á mánuði.

Yfirfarið launaseðlana ykkar vandlega og bregðist við og hafið samband við félagið ef þið verðið vör við að umrædd launahækkun skilaði sér ekki til ykkar.