Ert þú með rafrænt félagsskírteini?

Nú er hægt að nálgast rafræn félagsskírteini á Mínum síðum félagsins. Það getur verið hentugt að hafa skírteinið í símanum ef félagsmenn vilja nýta sér þá afslætti sem í boði eru og fram koma á Mínum síðum Einingar-Iðju. 

Félagsmenn njóta veglegra tilboða og sérkjara hjá fyrirtækjum og samstarfsaðilum víða um land. Gildir aðeins gegn framvísun félagsskírteinis. Gildir ekki með öðrum tilboðum.

Það er bæði hægt að sækja skírteinið á Mínum síðum í gegnum tölvu og snjallsíma.

Fyrir Android
Ef þú ert með Android verður þú að niðurhala í símann þinn SmartWallet. Síðan getur þú einfaldlega opnað myndavélina inni í appinu og skannað inn QR kóðann sem finna má á Mínum síðum.

Fyrir Apple
Ef þú ert með Apple getur þú notað Apple Wallet appið sem er þegar í símanum þínum. Einfaldlega opnaðu myndavélina á símanum þínum og skannaðu QR kóðann sem finna má á Mínum síðum.