Átt þú eftir að kjósa? - Atkvæðagreiðslu lýkur kl. 9

Nú stendur yfir rafræn atkvæðagreiðsla um nýjan kjarasamning SGS við Samtök atvinnulífsins. Atkvæðagreiðslunni mun ljúka kl. 9:00 í dag. Niðurstöður verða kynntar strax í kjölfarið.

Nauðsynlegt er að hafa rafræn skilríki eða íslykil til að kjósa.

Atkvæðisrétt eiga allir félagsmenn í aðildarfélögum SGS sem vinna eftir viðkomandi samningi. Geti einhver, sem telur sig eiga atkvæðisrétt, ekki kosið getur viðkomandi snúið sér til skrifstofu síns stéttarfélags og fengið sig færðan á kjörskrá og greitt atkvæði, enda leggi viðkomandi fram launaseðil sem staðfesta afdregin félagsgjöld. Tekið er við kjörskrárkærum samkvæmt framansögðu til kl. 9:00 miðvikudaginn 20. mars en þá lýkur atkvæðagreiðslu um samninginn.

Félagsmenn eru hvattir til að kynna sér innihald samningsins vel og nýta sinn atkvæðisrétt!

Nánari upplýsingar um atkvæðagreiðsluna og kjarasamninginn má finna á upplýsingasíðu um samninginn.