ASÍ - Hilmar kjörinn 3. varaforseti

Hilmar Harðarson hefur verið kjörinn 3. varaforseti Alþýðusambands Íslands.

Hilmar var kjörinn 3. varaforseti með öllum greiddum atkvæðum á fundi miðstjórnar Alþýðusambandsins 26. október. Auk hans gegna embættum varaforseta Ragnar Þór Ingólfsson, formaður VR, og Halldóra Sveinsdóttir, formaður Bárunnar-stéttarfélags.

Hilmar er formaður og framkvæmdastjóri Félags iðn- og tæknigreina og formaður Samiðnar - sambands iðnfélaga. Þá var Hilmar í fyrra kjörinn formaður stjórnar Landssamtaka lífeyrissjóða.

Hilmar, sem er bifvélavirki að mennt, er fæddur 1960 í Reykjavík. Hann ólst upp í Skipholti í stórri fjölskyldu verkafólks.