Einungis 3% landsmanna eru hlynnt því að nýting auðlinda til orkuframleiðslu sé að miklu eða öllu leyti í höndum einkafyrirtækja. Þetta kemur fram í nýrri þjóðmálakönnun Alþýðusambands Íslands (ASÍ).
Spurt var: Hvort telur þú að nýting auðlinda til orkuframleiðslu (vatns, jarðhita og vinds) eigi að vera í höndum ríkisfyrirtækja eða einkafyrirtækja?
Alls kváðust 85% þeirrar skoðunar að nýting ætti alfarið eða að miklu leyti að vera í höndum ríkisfyrirtækja. Hlutlaus lýstu sig 12%.