9. þing SGS hefst á morgun

9. þing Starfsgreinasambands Íslands fer fram dagana 25. til 27. október nk. á Hótel Natura í Reykjavík. Þingið hefur æðsta vald í málefnum sambandsins og þar eru lagðar línurnar í kjaramálum og starfsemi sambandsins til næstu tveggja ára. Á þingið í ár mæta alls 135 fulltrúar frá 18 aðildarfélögum sambandsins, þar af 20 frá Einingu-Iðju. Fjórir af fimm fulltrúum á kjarasviði félagsins verða á þinginu og því verður lágmarksþjónusta á kjarasviði á meðan þingið stendur yfir.

Dagskrá þingsins verður með hefðbundnu sniði en öll helstu gögn og upplýsingar um þingið eru aðgengilegar á sérstökum þingvef.