Vinnustaðafundir
10.feb | 2016
Á hverju ári fara starfsmenn félagsins á fjölmarga vinnustaðafundi á félagssvæðinu, en samkvæmt kjarasamningum eiga starfsmenn rétt á að halda tvo fundi á ári á launum á sínum vinnustað, klukkutíma í senn. Slíkur fundir verða þó að vera í samráði og með leyfi yfirmanna. Í morgun fór einn slíkur fram á Dalvík, nánar tiltekið í fiskvinnslufyrirtækinu O Jakobsson ehf. Björn formaður mætti á fundinn ásamt Ásgrími upplýsingafulltrúa og Ingva sem túlkaði fundinn yfir á pólsku.
Ekkert þarf að vera að á vinnustaðnum til að halda svona fund. Það er mjög mikilvægt að hitta félagsmenn, gefa upplýsingar og ekki síður að svara fyrirspurnum frá þeim. Oftast eru það formaður og varaformaður félagsins sem mæta á slíka fundi en einnig er hægt að óska eftir að fulltrúi frá Virk endurhæfingarsjóði mæti líka.
Þeir sem áhuga hafa á að halda vinnustaðafund er bent á að hafa samband við félagið í síma 
460 3600 eða senda póst á bjorn@ein.is eða annajul@ein.is.