Trúnaðarmenn á fundi í gær

Að ósk viðsemjenda var undirritun nýs kjarasamnings við ríkið frestað um eina viku en fyrirhugað var að ganga frá nýjum kjarasamningi í gær, 28. september. Ástæðan er sú að næstkomandi föstudag mun svo­nefnd­ur Salek-hóp­ur (full­trú­ar stærstu heild­ar­sam­taka á vinnu­markaði) funda og vill ríkið bíða eftir niðurstöðu þess fundar. Að sögn ríkisins hefur þessi frestun engar efnislegar breytingar í för með sér.

Viðræður um nýjan kjarasamning við sveitarfélögin standa yfir og muni vonandi geta gengið hratt fyrir sig þegar niðurstaða í kjarasamningi við ríkið liggur fyrir.

Í gær hélt félagið fund með trúnaðarmönnum sem starfa hjá ríkinu og einnig með trúnaðarmönnum sem starfa hjá sveitarfélögunum, en þar fór Björn formaður félagsins yfir stöðuna í kjaraviðræðunum.