Tvö laus aukasæti í utanlandsferðina
13.feb | 2019
Um miðjan janúar var orðið uppselt í utanlandsferð félagsins næsta sumar en félagið fékk tvö aukasæti í ferðina og því eru laus tvö sæti í hana. Þá eru jafnframt komnar um 55 skráningar í ferð félagsins út í Grímsey. Því er ekki eftir neinu að bíða með að skrá sig fyrir þá sem hug hafa á að fara með, því bæði er um að ræða lágmarks- og hámarksfjölda í ferðirnar.
Kíkið við á skrifstofur félagsins, hringið í síma 460 3600 eða sendið póst á netfangið ein@ein.is og látið skrá ykkur ef áhugi er fyrir hendi.
- Grímsey 23. júní 2019
- Fjögur lönd á 11 dögum 10. til 20. ágúst 2019
Nánar má lesa um allar ferðirnar þrjár sem boðið er upp á árið 2019 hér.
Hægt er að borga fyrir ferðirnar með kreditkorti og er jafnframt hægt að semja um greiðslur, þ.e. skipta þeim á nokkur tímabil.
Athugið að síðar verður auglýst hvenær byrjað verður að skrá í eins dags ferðina.