Trúnaðarmannanámskeiði 2 að ljúka
09.nóv | 2018
Nú stendur yfir trúnaðarmannanámskeið, 2. hluti, í sal félagsins á Akureyri. Námskeiðið hófst sl. miðvikudag og lýkur í dag. Leiðbeinandi í gær og á miðvikudaginn var Guðmundur Hilmarsson, frá Félagsmálaskóla Alþýðu. Í dag sjá starfsmenn félagsins um fræðsluna og eru nú að fræðast um kjarasamninga og félagið sjálft.
Á námskeiðinu kynnast nemendur starfsemi stéttarfélagsins og réttindum félagsmanna. Einnig læra nemendur á innihald og uppbyggingu kjarasamninga og helstu túlkun þeirra, ásamt lestri launaseðla og uppbyggingu trygginga.
Stiklur um efnið:
- Nemendur kynnast starfsemi stéttarfélagsins, réttindum félagsmanna
- Nemendur læra á innihald og uppbyggingu kjarasamninga og helstu túlkun á þeim
- Nemendur kynnast sjóðum félagsins og réttindum félagsmanna í þeim
- Nemendur læra reiknitölur helstu launaliða
- Nemendur kynnast grunnuppbyggingu launaseðla og launaútreikninga svo og staðgreiðslu skatta
- Lögð er megináhersla á mikilvægi góðra samskipta á vinnustað, hvernig megi stuðla að góðum samskiptum
- Skoðuð er mismunandi framkoma, áhrif hennar á okkur og aðra
- Nemendur kynnast afleiðingum langvarandi slæmra samskipta, eineltis á vinnustað, hvernig bregðast eigi við og ábyrgð gerenda og atvinnurekenda