Trúnaðarmannanámskeið, hluti 1 - skráning stendur yfir
27.ágú | 2019
Nú stendur yfir skráning á trúnaðarmannanámskeið, hluta 1, sem Eining-Iðja í samvinnu við Félagsmálaskóla alþýðu verður með dagana 18. til 20. september nk. Kennt verður í Einingar-Iðjusalnum alla dagana frá kl. 9:00 til 16:00.
Búið er að senda bréf á þá trúnaðarmenn sem geta skrá sig á námskeiðið og eru þeir sem vilja sækja námskeiðið vinsamlegast beðnir að tilkynna þátttöku sína til skrifstofunnar á Akureyri, eigi síðar en miðvikudaginn 11. september nk. á skrifstofu félagsins, Skipagötu 14, í síma 
460-3600 eða á netfangið ein@ein.is.
Vert er að benda trúnaðarmönnum á að búið er að raða niður trúnaðarmannanámskeiðum næsta vetur, bæði á haustönn og vorönn. Er nær dregur námskeiðum verða send bréf á þá trúnaðarmenn sem geta skrá sig á viðkomandi námskeið. Námskeiðin fara fram í sal Einingar-Iðju, Skipagötu 14 á Akureyri. Eftirfarandi námskeið verða í boði í vetur:
|
|
Haustönn 2019 |
Vorönn 2020 |
|
Hluti 1 |
18. til 20. september |
22. til 24. janúar |
|
Hluti 2 |
16. til 18. október |
26. til 28. febrúar |
|
Hluti 3 |
11. til 13. nóvember |
18. til 20. mars |
|
Hluti 4 |
|
15. til 17. apríl |
Trúnaðarmenn Einingar-Iðju eru mikilvægir hlekkir í starfi félagsins. Samkvæmt samningum á að vera trúnaðarmaður á öllum vinnustöðum sem hafa 5 eða fleiri félagsmenn. Þar sem starfa fleiri en 50 eiga að vera 2 trúnaðarmenn.
Við kosningu öðlast trúnaðarmaður um leið sérstaka lagalega vernd í starfi sínu, fær umboð félagsins til að fara með mál annarra og verður fulltrúi þess á vinnustaðnum. Meginhlutverk trúnaðarmanna er að gæta þess að lög og samningar séu haldnir á vinnustaðnum og vera tengiliður starfsmanna við stéttarfélagið.
Trúnaðarmenn eiga samningsbundinn rétt til að sækja námskeið án launaskerðingar en þurfa að sjálfsögðu að sækja námskeiðin í samráði við yfirmann sinn.
Ef það er ekki trúnaðarmaður á þínum vinnustað hafðu þá samband við skrifstofu Einingar-Iðju og við setjum upp vinnustaðafund til að kjósa trúnaðarmann.