Styrkir VIRK 2017

VIRK er heimilt samkvæmt lögum 60/2012 að styrkja og stuðla með öðrum hætti að rannsóknum, þróun og uppbyggingu í atvinnutengdri starfsendurhæfingu m.a. með styrkveitingum. Veittir eru styrkir tvisvar á ári til virkniúrræða, rannsókna, þróunar og uppbyggingar í starfsendurhæfingu.

Sérstaklega verður horft til virkniúrræða miðuðum að ungu fólki og til rannsóknar- og þróunarverkefna tengdu ungu fólki í styrkveitingum VIRK árið 2017 m.a. vegna þess að hlutfall yngra fólks meðal einstaklinga í starfsendurhæfingu hjá VIRK hefur farið vaxandi undanfarin tvö ár.

Framkvæmdastjórn VIRK úthlutar styrkjunum og þurfa umsóknir að hafa borist sjóðnum fyrir 15. janúar eða 15. ágúst ár hvert. Ákvarðanir um styrkveitingar eru teknar í framhaldinum af framkvæmdastjórn VIRK, í mars og október, að fenginni umsögn frá sérfræðingum sjóðsins.

Hér eru nánari upplýsingar, stefnur og reglur varðandi umsóknir á styrkjum til VIRK og umsóknareyðublöð.