Sterk stéttarfélög eru grundvöllur góðra lífskjara

Á heimasíðu ASÍ kemur fram að mikil umræða sé nú um svokölluð „gul stéttarfélög“, en það eru félög sem eru ýmist rekin af sérhagsmunahópum, trúarhreyfingum eða aðilum í nánum tengslum við atvinnurekendur eða jafnvel af þeim sjálfum. Gulu félögin lofa réttarvernd fyrir félagsmenn sína á grundvelli laga og almennra kjarasamninga án þess þó að gera slíka samninga sjálf.

Eitt helsta hlutverk Alþýðusambands Íslands er að verja rétt vinnandi fólks til að semja um kjör sín. ASÍ berst því hart gegn hvers konar tilraunum til að koma á fót svokölluðum „gulum stéttarfélögum“ eða öðrum fyrirætlunum til undirboða á vinnumarkaði.

Berjumst gegn undirboðum launa – við töpum öll á því.