Skilafrestur að renna út
06.jan | 2016
Félagið minnir á að skilafrestur til að senda inn svör úr krossgátu, getraun og leiknum „Botnaðu nú! sem birtust í síðasta jólablaði félagsins rennur út kl. 16 á morgun, fimmtudaginn 7. janúar. Hægt er að senda inn svör á netfangið ein@ein.is, senda þau í pósti á skrifstofuna á Akureyri eða mæta með þau í eigin persónu.
Vegleg verðlaun eru í boði!
Hér fyrir neðan má finna fyrripartana úr leiknum "Botnaðu nú!"
Fyrripartur nr. 1
Ég horfði á frétt á dögunum, þar sem heldur betur hitnaði í kolunum á þingi einhvers staðar úti í heimi. Þar réði hnefarétturinn þegar mönnum varð rætinna orða vant:
Hér fer allt í bál og brand,
bölv og ragn og skæting,
Fyrripartur nr. 2
Íslendingar eiga svosem líka einn og einn blóðheitan þingmann:
Alþingis er úfinn sjór,
öldur rísa og hníga.
Fyrripartur nr. 3
Ég á virðulega eldri læðu, gráyrjótta og fína. Nefið á henni er stálgrátt:
Stúlku með stálgrátt nef
stari ég löngum á.