SÍMEY - Fjölmörg námskeið í boði
02.sep | 2020
Í haust býður SÍMEY upp á fjöldamörg námskeið sem eru bæði starfstengd og tengd áhugamálum hvers og eins. Sem dæmi um námskeið má t.d. nefna:
- Gæði úr eigin garði – vefnámskeið – 17. september
- Hamingjan sanna – vefnámskeið – 13. október
- Ertu jákvæður leiðtogi í lífi og starfi – vefnámskeið – 3. nóvember
- Miðausturlönd – matreiðslunámskeið – 27. október á Akureyri og 28. október á Dalvík
- Jólaeftirréttir – matreiðslunámskeið - 2. desember á Akureyri og 30. nóvember á Dalvík
- Að stíga ölduna - aðlögunarhæfni til framtíðar – 7. október á Akureyri
- Nútímastjórnun og yfirsýn – 26. október á Akureyri
- Sálræn áföll – vinnumarkaður – 17. nóvember á Akureyri
- Betri skilningur og bætt samskipti – 26. nóvember á Akureyri
Fjölmörg námskeið og námsleiðir eru í boði og geta áhugasamir kíkt á það nánar hér. Ný námskeið bætast stöðugt við og því er fólki bent á að fylgjast vel með á heimasíðu SÍMEY og á facebook síðu SÍMEY.
- Félagsmenn í stéttarfélögunum Eining Iðja, Kjölur og Sameyki sækja námskeiðin sér að kostnaðarlausu.
- Kjölur og Sameyki greiða námskeiðsgjaldið að fullu fyrir sína félagsmenn og starfsmenntasjóðirnir Landsmennt, Ríkismennt og Sveitamennt greiða námskeiðsgjaldið að fullu fyrir félagsmenn í Einingu Iðju.
- Athugið að námskeiðin eru öllum opin og minnir SÍMEY aðra en félagsmenn þessara félaga á að kanna rétt sinn hjá sínu stéttarfélagi.
Félagsmenn í stéttarfélaginu Eining-Iðju hjá ríki og sveitarfélögum athugið!
Vert er að minna á að starfsmenntasjóðirnir Sveitamennt og Ríkismennt greiða námskeiðsgjald vegna þátttöku almennra starfsmanna sveitarfélaga og ríkisins. Þetta á einnig við stofnanir ríkis og sveitarfélaga sem eru aðilar að Sveitamennt og Ríkismennt.
Fræðsluátak framlengt til ársloka!
Fyrr á árinu ákváðu stjórnir Landsmenntar, Ríkismenntar og Sveitamenntar að rýmka úthlutunarreglur einstaklingsstyrkja í ákveðinn tíma. Átakið átti að gilda frá 15. mars til og með 31. ágúst 2020 og gildir gagnvart námi/námskeiðum sem hefjast innan þessa sama tímaramma. Nú hafa stjórnir sjóðanna ákveðið að framlengja átakið og mun það gilda til 31. desember nk. Sjá nánar hér