Ráðgjafi í starfsendurhæfingu á Akureyri

Eining-Iðja leitar að ráðgjafa á sviði starfsendurhæfingar. Um er að ræða samvinnuverkefni stéttarfélaga á Eyjafjarðarsvæðinu og VIRK Starfsendurhæfingarsjóðs. Hér gefst einstakt tækifæri til þátttöku í þróun og þjónustu á sviði starfsendurhæfingar á vinnumarkaði. 

Um er að ræða mjög krefjandi og fjölbreytt starf.

Helstu verkefni:

• Stuðningur og ráðgjöf við einstaklinga
• Upplýsingaöflun og mat samkvæmt viðurkenndum aðferðum
• Umsjón, eftirfylgni og leiðsögn varðandi endurhæfingaráætlanir einstaklinga í samstarfi við fagaðila
• Samstarf við fyrirtæki og stofnanir

Upplýsingar um starf ráðgjafa og starfsemi VIRK Starfsendurhæfingarsjóðs er að finna á www.virk.is

Menntunar- og hæfniskröfur:

• Háskólamenntun á sviði heilbrigðis- eða félagsvísinda
• Víðtæk reynsla og þekking á sviði ráðgjafar og/eða starfsendurhæfingar
• Framúrskarandi samskiptahæfni, jákvætt viðmót og þjónustulund
• Sveigjanleiki og færni til að tileinka sér nýja þekkingu og vinnubrögð
• Geta til að skilja og setja sig inn í mismunandi aðstæður einstaklinga
• Frumkvæði, sjálfstæði og skipulagshæfni
• Góð þekking á vinnumarkaði og nærsamfélagi
• Góð kunnátta í ensku
• Geta til að koma frá sér efni í ræðu og riti

Umsóknarfrestur er til og með 17. nóvember nk.
Umsækjendur eru vinsamlegast beðnir að sækja um starfið á heimasíðu Capacent, www.capacent.is.

Umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Nánari upplýsingar veita Þóra Pétursdóttir (thora.petursdottir@capacent.is) og Silja Jóhannesdóttir (silja.johannesdottir@capacent.is) hjá Capacent Ráðningum.