Nú er búið að prenta og ganga frá orlofsblaði félagsins og mun það berast flestum
félagsmönnum og öðrum í dag, en það verður borið út með Dagskránni á öll heimili á svæðinu. Sumir munu
fá blaðið sent til sín með póstinum.
Í blaðinu, sem er 32 síður, er fjallað er um
þá orlofsmöguleika sem félagsmönnum standa til boða á árinu 2015, en megináhersla er lögð á að kynna þau
orlofshús og orlofsíbúðir sem félagið hefur til umráða og leigu til félagsmanna á komandi sumri. Sem fyrr býður
félagið hús og íbúðir af mismunandi stærðum og gerðum, í mismunandi umhverfi og í öllum landshlutum.
Félagsmenn eru einnig minntir á réttindi sín varðandi orlof, orlofstöku og orlofsuppbót. Þá er sagt frá orlofsferðum sumarsins,
sem eru tvær í ár.
Í blaðinu má einnig finna umfjöllun um hvað er verkfall og verkbann og hvenær má fara í verkfall? Einnig er fjallað um reglur
félagsins um fjárhagsaðstoð vegna verkfalla eða verkbanna.
Blaðið er komið á netið og má lesa það hér.
Þeir sem fá dagskránna inn um lúguna hjá sér í dag en ekki félagsblaðið eiga að hafa samband við Ásprent í
síma
4 600 700 og láta vita.