Nánar um vetrarleiguna

Verðskrá veturinn 2013 - 2014

Illugastaðir

• Vikuleiga er kr. 22.000 og helgarleiga kr. 14.000. Helgarleiga er allt að þrjár nætur. 
• Heitur pottur er við húsin.
• Lyklar eru afhentir í þjónustumiðstöð svæðisins.

Tjarnargerði

• Vikuleiga er kr. 26.000 og helgarleiga kr. 16.000. Helgarleiga er allt að þrjár nætur. 
• Heitur pottur er við húsið.
• Lyklar að Tjarnagerði eru afhentir á skrifstofu félagsins í Skipagötu 14 á Akureyri.

• Íbúðir í Reykjavík leigjast í viku í senn, fyrir utan sjúkraíbúð sem leigist eftir þörfum.
• Vikuleiga er kr. 23.000, en sólarhringsleiga sjúkraíbúðar er kr. 4.000. Lágmarksgjald er þó kr. 5.000.
• Lyklar að íbúðunum eru afhentir á skrifstofum félagsins.

Nánar um staðina:

Illugastaðir
Orlofsbyggðin á Illugastöðum í Fnjóskadal er opin allt árið. Aðeins eru 45 km milli Akureyrar og Illugastaða og því stutt að fara. Aðstaðan á Illugastöðum er eins og best verður á kosið. Eining-Iðja á 14 hús á svæðinu sem voru öll tekin í gegn fyrir nokkrum árum. Vert er að benda á að félagið á þar eitt sérútbúið hús fyrir fatlaða, hús nr. 26.

Sundlaugin er lokuð yfir vetrartímann. Í kjarnahúsinu er fundarsalur sem tekur allt að eitt hundrað manns og því eru Illugastaðir kjörinn staður fyrir fundi, ráðstefnur, námskeið eða mannfagnaði hvers konar. Hægt er að fá tilboð í veitingasölu og uppihald.

Benda má á að í Fnjóskadal er mjög gott berjaland og hægt er að fá leyfi til berjatínslu á Illugastöðum. Þar eru einnig seld veiðileyfi í Fnjóská. Fyrir rjúpnaskyttur eru Illugastaðir einnig áhugaverður kostur því þaðan er stutt að komast í góðar veiðilendur. Yfir vetrarmánuðina er upplagt að drífa sig til Illugastaða og taka skíðin og sleðana með því land fyrir gönguskíðafólk er frábært. Einnig eru miklir möguleikar til notkunar vélsleða en gæta þarf þó að trjágróðri á svæðinu. Á Illugastöðum hefur verið plantað um 100.000 plöntum sem eru sem óðast að setja svip sinn á landið.

Tjarnargerði í Eyjafjarðarsveit
Eining-Iðja á orlofshús í Tjarnargerði í Eyjafjarðarsveit í félagi við Bílstjórafélag Akureyrar. Húsið er nokkurra ára gamalt en allt nýuppgert, vel búið með heitum potti og allt hið glæsilegasta. Staðsetningin er kjörin fyrir þá sem kjósa að komast í kyrrð og frið án þess að þurfa að aka um langan veg en fram í Tjarnargerði er aðeins um hálftíma akstur frá Akureyri. Eins og margir þekkja er náttúrufegurð mikil á þessum slóðum, örstutt í Leyningshóla og fleiri náttúruperlur. Óhætt er að fullyrða að óvíða er betra að slappa af og hlaða batteríin, eins og gjarnan er sagt.

Þrjár íbúðir í Ljósheimum
Félagið á tvær orlofsíbúðir í fjölbýlishúsum við Ljósheima, en sjúkrasjóður félagsins hefur þá þriðju til ráðstöfunar. Tvær íbúðanna eru fjögurra herbergja og ein þriggja herbergja. Íbúðirnar njóta allar mikilla vinsælda og eru vel nýttar allan ársins hring, enda gefst félagsmönnum, með dvöl í íbúðunum, kostur á að njóta alls þess sem höfuðborgin hefur upp á að bjóða. Nýverið voru stærri íbúðirnar allar teknar í gegn að innan; skipt var um eldhúsinnréttingu, settar í þær uppþvottavél, málað, keypt ný húsgögn og fleira.

Íbúðirnar þrjár eru búnar öllum helstu heimilistækjum og í hverri íbúð er svefnpláss fyrir sex manns.

Þrjár íbúðir í Ásholti
Félagið á tvær íbúðir í Ásholti 2 og leigir þar að auki eina íbúð í húsinu. Önnur íbúðin sem félagið á er notuð sem sjúkraíbúð en hin er einstaklega glæsileg, 107 fermetrarað stærð, fjögurra herbergja íbúð. Þar er að finna öll þægindi í notalegu umhverfi í miðborginni. Íbúðin sem félagið leigir er á 6. hæð og er 60 fermetrar að stærð.

Lyklar að íbúðunum í Reykjavík eru afhentir á skrifstofum félagsins.