Laust á Spáni 28. maí til 11. júní

Vegna forfalla er laus ein leiga dagana 28. maí til 11. júní í íbúðinni á Spáni. Nú gildir fyrstur pantar, fyrstur fær. Um er að ræða efri sérhæð í nýjum íbúðarkjarna í Lomas de Cabo Roig hverfinu sem er í um 30 mín. fjarlægð frá Alicante, á svæði sem heitir Casa Tarife. Í íbúðinni eru tvö svefnherbergi, stofa, eldhús og tvö baðherbergi. Gólfhiti er á baðherbergjum og loftkæling í báðum herbergjum og stofu. Rúmgóð verönd er fyrir framan húsið og þaðan er gengið upp í íbúðina sjálfa sem er öll á einni hæð. Svalir eru út frá stofu og eldhúsi og þaðan er gengið upp á stórar einka þaksvalir sem eru yfir allri íbúðinni. Rafmagn og vatn er innifalið í leiguverði.

Hver leiga er í tvær vikur í senn og verða skiptidagar á þriðjudögum.

Verð fyrir tvær vikur er kr. 90.000, auk þrifagjalds sem borgað er á staðnum.

Sjá nánar um íbúðina á Spáni hér