Kynning á nýjum samningi félagsins við sveitarfélögin

Í gær hélt félagið fund þar sem trúnaðarmenn félagsins sem starfa hjá sveitarfélögunum fengu kynningu á nýjum kjarasamningi sem skrifað var undir sl. föstudag.

Atkvæðagreiðsla um nýja samninginn hefst þriðjudaginn 1. desember nk. og mun ljúka á miðnætti 8. desember nk. Starfsgreinasambandið sér um atkvæðagreiðsluna. Allir félagsmenn Einingar-Iðju sem greiddu félagsgjöld í október og starfa hjá sveitarfélagi, alls tæplega þúsund manns, fá sendan kynningarbækling og leiðbeiningar um atkvæðagreiðsluna. Bæklingurinn mun fara í póst næsta föstudag og berast inn um lúgu félagsmanna fljótlega eftir helgi. Ef einhver fær ekki send gögn frá SGS, en starfa hjá sveitarfélagi og ferðu það í október, hafið þá samband við félagið. 

Fjórir kynningarfundir

Á morgun verða tveir kynningarfundir á nýja samningnum fyrir félagsmenn sem starfa hjá sveitarfélögunum, í Fjallabyggð og á Dalvík. Næsta fimmtudag verður fundur á Grenivík og næsta mánudag á Akureyri. 

Miðvikudagur 25. nóvember

• Fjallabyggð, á skrifstofu félagsins Eyrargötu 24 b á Siglufirði kl. 17:30
• Dalvík, í námsveri SÍMEY við Skíðabraut kl. 20:00

Fimmtudagur 26. nóvember

• Grenivík, í litla salnum (græna) í barnaskólanum kl. 17:30

Mánudagur 30. nóvember

• Akureyri, í salnum á 4. hæð Skipagötu 14 kl. 20:00

Dagskrá:

1. Kynning á nýjum kjarasamningi.

2. Önnur mál.

Sýnum ábyrga afstöðu!

Mætum og kynnum okkur samninginn áður en við greiðum atkvæði.