Góðir fundir í gær - fundur í Hrísey í dag kl 17:00

Björn Snæbjörnsson, formaður Einingar-Iðju, fór yfir stöðu kjaramála, sérstaklega ræddi hann um stöðu samninga við SA. Hann fór einnig yfir nýlega viðhorfs- og kjarakönnun sem Gallup framkvæmdi fyrir félagið. Fínar umræður urðu um þessa liði. 

Í lok fundanna fór fram kosning svæðisfulltrúa og varamanns hans, en kosið er til tveggja ára í senn. Engin mótframboð bárust gegn sitjandi fulltrúum á Siglufirði og því verður Margrét Jónsdóttir áfram svæðisfulltrúi á Siglufirði og Sigrún V. Agnarsdóttir varamaður hennar. Á Dalvík var Íris Hauksdóttir kosin nýr varasavæðisfulltrúi en Freydís Antonsdóttir sem gegndi starfinu gaf ekki kost á sér. Engin mótframboð bárust gegn Sigríði Jósepsdóttur svæðisfulltrá á Dalvík og því mun hún sitja áfram. Svæðisfulltrúar sitja í aðalstjórn félagsins og varamenn eru í trúnaðarráði.

Næstu fundir

Í dag heldur félagið einn almennan félagsfund á svæðinu, í Hrísey kl. 17:00. Á morgun verður fundur á Akureyri kl. 20:00. Fundirnir verða túlkaðir á pólsku. Kaffiveitingar í boði. Félagar, fjölmennum!