Fundur fólksins - við erum mætt, mætir þú?
08.sep | 2017
Lýðræðis- og stjórnmálahátíðin Fundur Fólksins stendur yfir í Hofi á Akureyri í dag og á morgun. Á hátíðinni munu hin ýmsu félagasamtök, stjórnmálaflokkar og stofnanir vera með starfsemi og í bland við líflegar umræður, tónlistaratriði og uppákomur. Hátíðinni er ætlað að virkja lýðræðisþátttöku almennings, vera vettvangur allra þeirra sem vilja ræða málefni samfélagsins og skapa meira traust og skilning milli ólíkra aðila samfélagsins án þess að vera föst í venjubundnum umræðufarvegi stjórnmála eða fjölmiðla.
Eining-Iðja, ásamt FVSA, Samiðn, RSÍ, ASÍ og SGS, tekur virkan þátt í hátíðinni. Félögin verða með kynningar á sinni starfsemi báða dagana og munu auk þess standa fyrir sófaspjalli með Sögu Garðarsdóttur í dag kl. 16 og á morgun verður málþing um ungt fólk á laugardeginum undir yfirskriftinni „Af hverju borga ég í stéttarfélag?“. Einnig verður í gangi getraunaleikur á kynningarsvæði félaganna með veglegum vinningumi.
Frekari upplýsingar um hátíðina, m.a. dagskrána í heild, má nálgast á vefsíðu Fundar fólksins.
Viðburðir á Facebook:
Sófaspjall
Málþing
Allir eru velkomnir á Fund fólksins, ókeypis inn. Eining-Iðja hvetur sem flesta til að líta við í Hofi um helgina og taka þátt í þessari líflegu hátíð sem fram fer í fyrsta sinn á Akureyri!