Frítt fyrir félagsmenn - Vefnámskeið í SÍMEY
10.feb | 2021
SÍMEY langar að vekja athygli á tveimur vefnámskeiðum sem verða síðar í febrúar. Námskeiðið Sálræn áföll verður 18. febrúar milli kl. 13 og 16 og námskeiðið Jákvæð samskipti verður 23. febrúar milli kl. 17 og 18. Enn eru nokkur sæti laus á þau.
Starfsmenntasjóðirnir Landsmennt, Ríkismennt og Sveitamennt greiða námskeiðsgjaldið að fullu fyrir félagsmenn í Einingu-Iðju
 |
SÁLRÆN ÁFÖLL milli klukkan 13 og 16 þann 18. febrúar Á námskeiðinu verður fjallað um hvað gerist þegar einstaklingar verða fyrir sálrænu áfalli t.d. í tengslum við atvinnu sína eða þegar vinnuaðstæður hafa mikið breyst. Jafnframt verður fjallað um hvaða leiðir eru færar til að takast á við áföll. Fjallað verður um helstu skilgreiningar, forvarnir, einkenni sem geta komið fram og líkamlegar, sálrænar og félagslegar afleiðingar. |
|
 |
Jákvæð samskipti milli klukkan 17 og 18 þann 23. febrúar Á fyrirlestrinum fjallar Pálmar á skemmtilegan hátt um það hvernig við getum náð því besta úr fólkinu í kringum okkur með góðum samskiptum. Samhliða því tekur hann mörg skemmtileg dæmi af samskiptum barna á íþróttaæfingum og yfirfærir á vinnustaðina okkar auk þess sem hann segir frá niðurstöðum rannsóknar sem hann gerði á samskiptum á vinnustöðum á Íslandi í meistaranámi sínu í Háskóla Íslands. Þá blandast inn í fyrirlesturinn hvatning um jákvætt hugarfar á krefjandi tímum og skemmtilegir punktar um rafræn samskipti þegar það á við. |