Dagana 10. og 11. september heldur Starfsgreinasambandið formannafund og verður hann að þessu sinni haldinn á Hótel Héraði á Egilsstöðum. Um er að ræða útvíkkaðan fund, þ.e.a.s. til fundarins eru boðaðir formenn aðildarfélaga SGS auk eins fulltrúa til viðbótar frá hverju félagi. Auk Björns, formanns félagsins, mun Anna varaformaður sitja fundinn fyrir hönd Einingar-Iðju.

Ýmis mál eru á dagsská fundarins, m.a. umræða stöðuna á kjara- og samningamálum, nýlegar niðurstöður gerðardóms og undirbúningur fyrir afmælisþing SGS sem fer fram í október.  Meðal annarra dagskrárliða má nefna kynningu á  á atvinnulífi á Austfjörðum og umræður um áhrif innflutningsbanns Rússa á landvinnslufólk . Gert er ráð fyrir að fundurinn standi frá kl. 09:00 á fimmtudeginum og ljúki um kl. 11:00 á föstudeginum.