Færð þú næsta vinning?
21.okt | 2019
Í fyrra fékk Aðalsteinn M. Þorsteinsson vinning að upphæð kr. 100.000. Verður þitt nafn dregið út í ár?
Vert er að minna á að Gallup er að framkvæma könnun um ýmis atriði sem snerta kjör og aðstæður félagsmanna Einingar-Iðju og AFLS starfsgreinafélags. Könnunin er jafnframt happdrættismiði því allir sem taka þátt geta unnið veglega vinninga og er nú þegar búið að ná í nokkra vinninga til félagsins. Búið er að senda bréf á þá 3.000 félagsmenn sem valdir voru handahófskennt úr félagaskrám þessara tveggja félaga.
Þátttakendur strax í happdrættispott!
20 þátttakendur lenda strax í happdrættispotti, 10 frá hvoru félagi. Vinningshafar fá tilkynningu fljótlega eftir að búið er að svara könnuninni. Um er að ræða gjafakort að verðmæti kr. 15.000. Í fyrra svöruðu aðeins fjórir þeirra sem dregin voru út sem þýðir að sex félagsmenn misstu af vinningi. Það getur borgað sig að taka þátt!
Átta veglegir vinningar eru í boði þegar könnuninni er lokið. Tveir vinningar að upphæð kr. 150.000 og tveir kr. 50.000 auk fjögurra vikudvala í orlofsíbúðum félaganna.
Þín svör skipta máli – takk fyrir að taka þátt!