Ert þú að vinna á veitingastað, hóteli, gistiheimili eða í annarri ferðaþjónustu?

Ert þú að vinna á veitingastað, hóteli, gistiheimili eða í annarri ferðaþjónustu? Hér fyrir neðan má finna nokkur áhersluatriði úr kjarasamningi.

• Þeir sem verða 16 og 17 ára á árinu eiga strax að fá greitt miðað við 16 og 17 ára taxta. 
• 22 ára lífaldur jafngildir starfsaldri eftir eitt ár. 
• Hámarks dagvinnutími á mánuði er 172 klst., eftir það greiðist yfirvinna sem er 80% hærri en dagvinna.
• Hámarkslengd vaktar er 12 klst. 
• Hvenær lýkur þinni vakt? Vakt skal skrá með upphaf og endi í vaktaplani. 
• Vaktir skulu skipulagðar fyrir 4 vikur í senn og vaktaskrá kynnt a.m.k. viku áður en hún tekur gildi. 
• Í vaktavinnu greiðist álag á þann hluta 40 stunda vinnu sem fellur utan dagvinnutímabils: 
• • 33% álag á tímabilinu kl. 17:00 - 00:00 mánudaga til föstudaga 
  • 45% álag á tímabilinu kl. 00:00 - 08:00 allar nætur svo og laugardaga og sunnudaga. 
• Neysluhlé skulu vera sem svarar 5 mín. fyrir hvern unninn klukkutíma og skiptast eftir samkomulagi starfsmanna og stjórnanda. 
• Óheimilt er að hafa orlof innifalið í launataxta. 
• Jafnaðarkaup er ekki til í kjarasamningum. 
• Að lágmarki skal borga 4 klst. í útkalli. 

Nánari upplýsingar fást á skrifstofum félagsins, í síma 460 3600. Einnig er hægt að senda fyrirspurnir á ein@ein.is

ATHUGIÐ! Öll mál sem koma til félagsins eru trúnaðarmál