Enn eru til lausir tímar

Eins og auglýst var fyrr í vikunni ætlar Eining-Iðja, í samstarfi við SÍMEY - Símenntunarmiðstöð Eyjafjarðar, að bjóða félagsmönnum sínum upp á náms og starfsráðgjöf á skrifstofum félagsins sér að kostnaðarlausu. Enn eru til lausir viðtalstímar svo það er um að gera fyrir þá sem áhuga hafa á að fara í slíkt viðtal að panta sér tíma.

Félagsmenn geta haft samband við Einingu-Iðju í síma 460 3600, eða sent póst á netfangið ein@ein.is og pantað viðtal. Hvert viðtal tekur um 30 mínútur.

Viðtölin verða á:

• Akureyri: 14. til 16. janúar frá 10:00 til 12:00 og 12:30 til 18:00.
• Siglufjörður: 16. janúar milli kl. 10:00 og 13:00.
• Ólafsfjörður: 16. janúar milli kl. 14:00 og 17:00, á bæjarskrifstofunni.
• Dalvík: 17. janúar milli kl. 12:00 og 17:00.

Hjá náms- og starfsráðgjafa getur þú meðal annars:

• fengið upplýsingar um nám, störf og raunfærnimat
• fengið aðstoð við að finna út hvaða nám eða námskeið hentar þér best
• farið í áhugasviðsgreiningu
• fengið leiðsögn við gerð ferilskrár (CV)
• fengið aðstoð við að skipuleggja starfsleit
• fengið leiðsögn um góð vinnubrögð í námi
• skoðað leiðir til að takast á við hindranir í námi
• rætt um möguleika til að styrkja stöðu þína á vinnumarkaði
• og margt fleira ...

Vert er að benda á að félagsmenn geta líka hvenær sem er haft samband við ráðgjafana í SÍMEY og fengið hjá þeim ókeypis ráðgjöf á skrifstofum SÍMEY. Viðtalsbeiðnir í síma 460 5720.