Ársskýrsla Fræðslumiðstöðvar atvinnulífsins 2021 er komin út

Fræðslumiðstöð atvinnulífsins hefur gefið út ársskýrslu fyrir árið 2021. Þar er farið yfir árangurinn af starfinu yfir árið, helstu verkefni og samstarf.

Alls fóru 580 einstaklingar í gegnum mat á raunfærni á vegum framhaldsfræðslunnar á árinu og 2.391 einstaklingar luku námi í námsleiðum Fræðslumiðstöðvar atvinnulífsins. Auk þess fóru fram 8.600 ráðgjafarviðtöl um nám og störf.

Í ár kemur skýrslan eingöngu út rafrænt, en hana má nálgast á heimasíðu Fræðslumiðstöðvarinnar.

Ársskýrsla Fræðslumiðstöðvar atvinnulífsins 2021

Fræðslumiðstöð atvinnulífsins (FA) er í eigu ASÍ, SA, BSRB, Sambands íslenskra sveitarfélaga og fjármálaráðuneytisins og er samstarfsvettvangur og verkfærasmiðja eigenda í fullorðins- og starfsmenntun á íslenskum vinnumarkaði.