Ársfundur Stapa fer fram á morgun
29.jún | 2020
Ársfundur Stapa lífeyrissjóðs fer fram á morgun, þriðjudaginnn 30. júní, í Menningarhúsinu Hofi á Akureyri og hefst kl. 14:00. Félagið á rétt á að senda 42 fulltrúa á fundinn og voru þeir kosnir á aðalfundi félagsins sem haldinn var 8. júní sl.
Dagskrá fundarins er eftirfarandi:
- Setning ársfundar
- Skýrsla stjórnar, kynning og afgreiðsla ársreiknings og tryggingafræðilegt mat
- Fjárfestingarstefna sjóðsins
- Hluthafastefna sjóðsins
- Breytingar á samþykktum
- Skipan stjórnar
- Starfskjarastefna
- Kosning löggilts endurskoðanda
- Laun stjórnar
- Nefnd um laun stjórnar
- Önnur mál
Ársfundurinn er opinn öllum sjóðfélögum og vonast stjórn sjóðsins eftir að sem flestir sjái sér fært að mæta.
Stjórn Stapa lífeyrissjóðs leggur til að breytingar verði gerðar á samþykktum sjóðsins á ársfundi hans.
Samkvæmt grein 10.1 í samþykktum sjóðsins skal senda aðildarfélögum tillögurnar minnst tveimur vikum fyrir ársfund. Tillögurnar hafa verið sendar aðildarfélögum ásamt greinagerð.
Hægt verður að fylgjast með fundinum í vefútsendingu á heimasíðu sjóðsins.
Önnur gögn má finna hér:
Ársreikningur Stapa 2019
Ársskýrsla Stapa 2019
Starfskjarastefna