Áhugaverðar sýningar í tilefni af 100 ára afmæli ASÍ

Vert er að benda félagsmönnum sem eiga leið í höfuðborgina á næstunni frá tveimur áhugaverðum sýningum sem settar eru upp í tilefni af 100 ára afmæli ASÍ. Önnur sem ber heitið „Vinnandi fólk“ er í Þjóðminjasafni Íslands en hin sem ber yfirskriftina „Gersemar úr safneign Listasafns ASÍ“ er í Listasafni ASÍ sem er á Freyjugötu.

Vinnandi fólk

• Ljósmyndasýning í tilefni af 100 ára afmæli Alþýðusambands Íslands
• Þjóðminjasafn Íslands 5. mars - 22. maí 2016
• Birtu er brugðið á það hvernig aðstaða og aðbúnaður vinnandi fólks á Íslandi hefur breyst frá stofnun ASÍ. Sýningin er vitnisburður um framþróun hjá vinnandi fólki á mörgum sviðum á síðustu hundrað árum. Máttur ljósmyndarinnar sem miðlunartækis er magnaður, hún sýnir okkur veruleikann eins og hann var svart á hvítu.
• Sýningarhöfundur: Sumarliði R. Ísleifsson
• Sýningarstjóri: Sigurlaug Jóna Hannesdóttir 

Gersemar úr safneign Listasafns ASÍ

• Myndlistarsýning í tilefni af 100 ára afmæli Alþýðusambands Íslands
• Listasafn ASÍ 5. mars – 3. apríl 2016. Safnið er opið alla daga milli kl. 13 og 17 nema mánudaga
• Í stórfenglegri listaverkagjöf Ragnars Jónssonar í Smára til Alþýðusambands Íslands, sem varð kveikjan að stofnun Listasafn ASÍ 1961, eru mörg af þekktustu myndverkum tuttugustu aldar eftir nokkra fremstu listamenn þjóðarinnar: Ásgrím Jónsson, Jón Stefánsson, Jóhannes Sveinsson Kjarval og Svavar Guðnason. Á sýningunni: GERSEMAR úr safneign Listasafns ASÍ verða verk eftir ofangreinda listamenn sýnd í bland við aðrar og minna þekktar perlur úr safneigninni sem kallast á við verk gömlu meistaranna á margbreytilegan hátt.
• Sýningarstjórar: Kristín  G. Guðnadóttir og Steinunn G. Helgadóttir